İraqda havanın temperaturu 50 dərəcə olacaq, dövlət müəssisələri bağlanacaq

İraqda havanın temperaturunun 50 dərəcə proqnozlaşdırılması ilə əlaqədar hakimiyyət 7 əyalətdə dövlət müəssisələrində işi dayandıracaq.

“Report” xəbər verir ki, məlumatı İraq İnformasiya Agentliyi (INA) yayıb.

Bildirilib ki, İraqın cənubunda yerləşən Basti, Babil, Diyala, Nəcəf, Divaniya və Mutanna əyalətlərində avqustun 4-də əsas dövlət müəssisələri bağlanacaq.

Bu rejim tibb müəssisələrinə, təhlükəsizlik və kommunal xidmətlərə aid edilmir.

Qeyd edək ki, sinoptiklər İraqın cənub əyalətlərində havanın temperaturunun 50 dərəcə olacağını proqnozlaşdırıblar.