İraqda Respublika Sarayına nəzarət bərpa olunub, ölkədə komendant saatı tətbiq edilir - YENİLƏNİB

İraq təhlükəsizlik qüvvələri Bağdadda yerləşən Respublika Sarayında nəzarəti bərpa edib, üsyançıları saraydan çıxarıb. 

Bu barədə “Report” “Əl-Cəzirə”yə istinadən xəbər verir. 

Qeyd edilib ki, Əs-Sədr tərəfdarlarına qarşı gözyaşardıcı qazdan istifadə olunub. Vurğulanıb ki, Bağdadda “yaşıl zona"da Əs-Sədr tərəfdarları ilə təhlükəsizlik qüvvələri arasında toqquşmalar zamanı 2 nəfər ölüb, 19 nəfər yaralanıb.

Bakı vaxtı ilə saat 20:00-dan etibarən ölkə ərazisində komendant saatı tətbiq ediləcək.

16:42

İraqın paytaxtı Bağdadda etirazçılar hökumətin toplaşdığı binaya soxulublar.

“Report” xarici KİV-ə istinadən xəbər verir ki, iğtişaşlar şiə lideri Müqtəda əs-Sədr siyasətdən getdiyini elan etdikdən sonra başlayıb.

Onun tərəfdarları Respublika Sarayına soxulublar, burada polislə toqquşmalar olub.

Məlumata görə, hazırda paytaxtda komendant saatı elan olunub.