İraqda ABŞ-nib silahlı qruplaşmanın qərargahına endirdiyi zərbədə 5 nəfər həlak olub

ABŞ-nin İraqdakı silahlı qruplaşmalardan birinin qərargahına endirdiyi zərbə nəticəsində azı 5 nəfər həlak olub.

“Report” xəbər verir ki, bu barədə “Shafaq” xəbər informasiya portalı İraqdakı təhlükəsizlik xidmətlərindəki mənbəyə istinadən məlumat yayıb.

“Hələlik bunun raket hücumu, yoxsa pilotsuz uçan aparat vasitəsilə həyata keçirilən zərbə olduğu müəyyən edilməyib. İlkin məlumatlara görə, beş nəfər həlak olub”, - məlumatda deyilir.

Daha əvvəl Suriyadakı Amerika hərbi bazalarına 7 raket atılmışdı. “İraq İslami Müqavimət” hərəkatının döyüşçüləri hücuma görə məsuliyyəti öz üzərinə götürüb.