İndoneziyada koronavirusa yoluxanların sayı yarım milyonu ötdü

İndoneziyada son sutkada 4 442 nəfər koronavirusa yoluxub.

“Report” xəbər verir ki, bu barədə İndoneziyanın Səhiyyə Nazirliyi məlumat yayıb.

Bildirilib ki, bununla da ölkə üzrə yoluxanların ümumi sayı 502 110 nəfərə çatıb.

Məlumata görə, son 24 saatda 118 nəfər virusun qurbanı olub. COVID-19-dan ölənlərin sayı 16 002 nəfərə yüksəlib.