Yuxarı
    Bağlamaq

    İvitsa Daçiç: Belqrad Avropanın diplomatik paytaxtına çevriləcək

    Serbiya ATƏT-ə sədrliyi müddətində münaqişələrin həlli istiqamətində obyektiv dəstəyini göstərib”

    Bakı. 27 noyabr. REPORT.AZ/ Dekabrın 3-4-də Belqrad şəhərində ATƏT-in Xarici İşlər Nazirləri Şurasının (XİNŞ) görüşünə ev sahibliyi edəcək Belqrad Avropanın diplomatik paytaxtına çevriləcək. Bu fikirləri ATƏT-in fəaliyyətdə olan sədri, Serbiya Baş nazirinin müavini və xarici işlər naziri İvitsa Daçiç tədbirdən əvvəl keçirdiyi brifinqdə səsləndirib.

    İ.Daçiç sözünə davam edərək deyib: “ATƏT fəaliyyəti dövründə bir çox problemlərlə üzləşib və xeyli sayda çağırışlara cavab verməli olub. Serbiya quruma sədrliyi müddətində münaqişələrin həlli istiqamətində obyektiv dəstəyini göstərib və müsbət nəticələr əldə edib”.

    Qırxdan çox ölkənin xarici işlər nazirlərinin qatılacağı tədbiri işıqlandırmaq üçün 115 media qurumunun 500-ə yaxın müxbiri artıq akkreditasiyadan keçib. Tədbir çərçivəsində bir sıra önəmli qətnamələrin qəbulu nəzərdə tutulub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi