Bakı. 15 avqust. REPORT.AZ/ İtaliyanın baş naziri Cuzeppe Konte bildirib ki, Genuya şəhərində avtomobil körpüsünün uçması nəticəsində 22 nəfər ölüb, daha 16 nəfər isə yaralanıb.
“Report” TASS-a istinadən xəbər verir ki, o bunu çərşənbə axşamı sözügedən şəhərə səfəri zamanı deyib.
"Hazırda say çox yüksəkdir: 22 ölü, 16 yaralı, onlardan 9-nun vəziyyəti ağırdı, lakin təəssüf ki, mənim mülahizəmə görə, ölənlərin sayı daha çox ola bilər", - deyə Konte bildirib.