Yuxarı
    Bağlamaq

    İtaliyada yeddi nəfər şaxtalı havaların qurbanı olub

    Ölkə ərazisində iki əcnəbinin donmuş cəsədi tapılıb

    Bakı. 7 yanvar. REPORT.AZ/ Apennin yarımadasında yeddi nəfər Yeni il şaxtasının qurbanı olub.

    "Report" xəbər verir ki, bu haqda "TASS" agentliyi məlumat yayıb.

    Məlumatda bildirilir ki, şənbə günü Milanın cənubundakı binalardan birində 66 yaşlı polyakın cəsədi aşkar edilib. Cəsədi tapılmış daha bir nəfər isə 49 yaşlı Rumıniya vətəndaşıdır. Hər iki şəxsin evsiz olduğu bildirilir.

    Arktik siklonu ölkənin bütün ərazisinə, xüsusən Adriatik dənizi sahilinə və mərkəzi İtaliya dağlarına şaxta və qar gətirib. Qatarlar böyük yubanmalarla hərəkət edir. Keçən il zəlzələdən zərər çəkmiş rayonlara giriş çətinləşib.

    Meteoroloji xidmətlərin məlumatına görə, Alp dağlarında havanın temperaturu mənfi 27 dərəcəyə qədər enib. Digər ərazilərdə, o cümlədən Romada havanın temperaturu mənfi 5 dərəcə təşkil edir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi