İtaliyada qar uçqunu altında qalmış oteldə ölənlərin sayı 29-a çatıb, axtarış işləri yekunlaşıb - YENİLƏNİB

Bakı. 26 yanvar. REPORT.AZ/ İtaliyanın mərkəzindəki Qran-Sasso dağ massivində yerləşən "Rigopiano" mehmanxanasının qar uçqunu altında qalması nəticəsində ölənlərin sayı 29 nəfərə çatıb.

"Report"un məlumatına görə, bu barədə "Rai News 24" telekanalı xəbər verib.

Telekanalın məlumatına görə, xilasedicilər mehmanxanada daha 2 nəfərin cəsədini tapıblar. Bununla da cəsədlərin sayı 29-a çatıb.

Xəbərdə bildirilir ki, axtarış əməliyyatı başa çatdırılıb.

***02:42

İtaliyanın mərkəzindəki Qran-Sasso dağ massivində yerləşən "Rigopiano" mehmanxanasının qar uçqunu altında qalması nəticəsində ölənlərin sayı 27 nəfərə çatıb.

"Report" xəbər verir ki, bu barədə "ANSA" agentliyi məlumat yayıb.

Məlumata görə, xilasedicilər daha 2 nəfərin - 1 qadının və 1 kişinin meyitini aşkarlayaraq qarın altından çıxarıblar. 

Hələlik cəsədlərin şəxsiyyəti müəyyənləşdirilməyib. Hazırda xilasetmə işləri davam edir.

Qeyd edək ki, son məlumatlarda "Rigopiano" mehmanxanasının qar uçqunu altında qalması nəticəsində ölənlərin sayı 25 nəfər olduğu bildirilirdi.

Xatırladaq ki, otel qar uçqunu altında yanvarın 18-də qalıb. Buna səbəb regionda baş vermiş bir neçə zəlzələ olub.