İsveçrədə daha 326 nəfərdə koronavirus infeksiyası aşkarlanıb.
“Report” xəbər verir ki, bunu Federal İctimai Səhiyyə Administrasiyası açıqlayıb.
Məlumata görə, ölkədə qeydə alınmış yoluxmaların sayı 27 404-ə yüksəlib.
Bildirilib ki, ötən sutkada 52 nəfər koronavirusdan ölüb. Beləliklə, Mərkəzi Avropa ölkəsində virus qurbanlarının sayı 1 111-ə çatıb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 2 265 000-i ötüb. Bunların 581 382 nəfəri sağalıb, 154 903 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.