"Report" xəbər verir ki, yerli polisin məlumatına görə, Sürix yaxınlığındakı Qubrist tunelində təqribən 15-20 avtomobil toqquşub, nəticədə 10 km-lik tıxac yaranıb.
Bu səbəbdən tunel iki saat müddətinə bağlanıb. Ümumilikdə şənbə və bazar günləri Bern kantonunda təqribən 60 qəza baş verib. Eyni sayda yol-nəqliyyat hadisəsi Sürixdə, təqribən 30 qəza isə Friburda qeydə alınıb.
Qəzalar nəticəsində 10-dan çox insan xəsarət alıb. Ötən bazar Cenevrə və Sürix hava limanlarında gərgin vəziyyət yaranıb.
Şənbə günü Cenevrədə həyata keçirilməli olan 620 reysdən cəmi 251-i reallaşdırılıb və təyyarələr orta hesabla bir saatlıq gecikmə ilə eniş edib.
Onlarla turist qonşu Fransanın dağ-xizək kurortlarına gedib çıxa bilməmələri səbəbindən gecəni hava limanında keçirməli olublar.