Yuxarı
    Bağlamaq

    ​İsveçin türk əsilli naziri vəzifədən azad edilib

    Mehmet Kaplan türk bozqurdçular və islamçı dairələrlə görüşdüyü, habelə İsraili faşistlərə bənzətdiyi üçün tutduğu vəzifədən uzaqlaşdırılıb

    Bakı. 18 aprel. REPORT.AZ/ İsveçin koalisiya hökumətində Yaşıllar Partiyasını təmsil edən Mehmet Kaplan mənzil-kommunal məsələləri üzrə nazir vəzifəsindən azad edilib.

    "Report" Türkiyə KİV-inə istinadən xəbər verir ki, bu barədə İsveçin baş naziri Stefan Löfven aprelin 18-də keçirdiyi mətbuat konfransında bildirib.

    Məlumata görə, o, türk "bozqurd"çular və islamçı dairələrlə görüşdüyü, habelə İsraili faşistlərə bənzətdiyi üçün tutduğu vəzifədən azad edilib. Keçmiş nazir yerli KİV-ə müsahibəsində bildirib ki, İsrail fələstinlilərlə 1930-cu illərdə faşistlər yəhudilərlə davrandığı kimi davranır.

    Qeyd edək ki, Mehmet Kaplan Azərbaycan torpaqlarının Ermənistanın işğalı altında olması, bir milyon insanın öz ev-eşiyindən qaçqın düşməsi məsələsini İsveç parlamenti və ictimaiyyətinin diqqətinə çatdırıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi