İsveçin müdafiə naziri partlayış təhlükəsinə görə təyyarədən evakuasiya edilib

Bakı. 17 mart. REPORT.AZ/ Göyərtəsində İsveçin müdafiə naziri Piter Hultkvistin də olduğu təyyarənin sərnişinləri partlayış təhlükəsinə görə, evakuasiya edilib.

"Report" xarici KİV-ə istinadən xəbər verir ki, hadisə dünən gecə İsveçin Luleo şəhərindəki hava limanında meydana gəlib. Təyyarə artıq uçuş-enmə zolağında olarkən və uçmağa hazırlaşarkən onu saxlayıblar və sərnişinlər təxliyyə edilib. Sərnişinlər arasında İsveç müdafiə naziri də olub.

Sonradan polis partlayış təhlükəsi barədə xəbərin doğru olmadığını bildirib.