Bakı. 6 oktyabr. REPORT.AZ/ İsveçin Göteborq şəhərindəki Landvetter hava limanında polis Almaniyadan olan 20 yaşlı sərnişinin baqajında partlayıcı maddə aşkar edib və həmin şəxs saxlanılıb.
"Report" "RİA Novosti"yə istinadən xəbər verir ki, polisdən şübhə predmetinin hazırda öyrənildiyi, hadisə yerinə partlayış üzrə texniklərin gəldiyi bildirilib.
Şübhəli obyekt qismində 2015-ci ildə Parisdəki və 2017-ci ildə Mançesterdə stadiondakı terror hücumunda da istifadə olunan peroksid-asetonlu çənlər olub.
Şübhəli şəxs daxili Avropa reysləri üçün təhlükəsizlik yoxlamasından keçərkən Göteborq polisi tərəfindən həbs edilib.