İstanbulda keçirilmiş antiterror əməliyyatında 15 PKK tərəfdarı saxlanılıb

İstanbulda keçirilmiş antiterror əməliyyatında 15 PKK tərəfdarı saxlanılıb Terror qruplaşmasının tərəfdarları təhlükəsizlik orqanları haqqında kəşfiyyat məlumatları toplayırmış
Digər ölkələr
18 Yanvar , 2017 03:56
İstanbulda keçirilmiş antiterror əməliyyatında 15 PKK tərəfdarı saxlanılıb

Bakı. 18 yanvar. REPORT.AZ/ Türkiyənin İstanbul şəhərində PKK terror qruplaşması əleyhinə əməliyyat keçiriib.

"Report" xəbər verir ki, bu barədə "Anadolu" agentliyi məlumat yayıb.

Məlumata görə, şəhər polisinin terrorla mücadilə şöbəsi bir sıra şəxslərin PKK terror qruplaşması tərəfindən İstanbula göndərilməsi barədə məlumat əldə edib və həmin şəxslərlə bağlı əməliyyata başlayıb. Kartal, Gaziosmanpaşa, Bahçevilər, Esenyurt, Sultanbəyli və Başakşehirdəki ayrı-ayrı ünvanlarda keçirilən əməliyyat zamanı 15 nəfər şübhəli şəxs qismində saxlanılıb.

Şübhəlilərin olduqları ünvanlarda aparılmış axtarışlar zamanı rəqəmsal məlumatlar və PKK tərəfdarlarının kəşfiyyat fəaliyyətinə dair məlumatlar ortaya çıxıb. Məlum olub ki, terror qruplaşmasının tərəfdarları təhlükəsizlik orqanları haqqında kəşfiyyat xarakterli məlumatlar toplayırmış. 

Saxlanılanlar arasında silahlı insidentlər törətmək istəyənlər də var. 

Araşdırmalar davam edir.

Son xəbərlər

Orphus sistemi