İsralin baş naziri: “İƏT-in İstanbul bəyannaməsi bizi təsirləndirmədi”

İsralin baş naziri: “İƏT-in İstanbul bəyannaməsi bizi təsirləndirmədi” Binyamin Netanyahu: "Bir çox ölkə Qüdsü İsrailin paytaxtı olaraq, tanıyıb və səfirliklərini bu şəhərə köçürəcək”
Digər ölkələr
131
14 Dekabr , 2017 09:47
İsralin baş naziri: “İƏT-in İstanbul bəyannaməsi bizi təsirləndirmədi”
REUTERS/ Ronen Zvulun

Bakı. 14 dekabr. REPORT.AZ/ “Bu bəyannamə bizi təsirləndirmədi”.

“Report” TRT-yə istinadən xəbər verir ki, bunu Qərbi Qüdsdə MOSSAD əməkdaşlarının şərəfinə təşkil edilən tədbirdə İsrailin Baş naziri Binyamin Netanyahu deyib.

İslam Əməkdaşlıq Təşkilatının (İƏT) dekabrın 13-də İstanbulda keçirilən fövqəladə sammitinin yekun bəyannaməsinə və təşkilatın Şərqi Qüdsü Fələstinin paytaxtı kimi tanımasına münasibət bildirən hökumət başçısı qeyd edib ki, bu açıqlamalar onları təsirləndirməyib: "Nəticədə doğru olan qazanacaq. Bir çox ölkə Qüdsü İsrailin paytaxtı olaraq, tanıyıb və səfirliklərini bu şəhərə köçürəcək. Fələstinlilər radikallıq etməkdənsə, bu reallığı qəbul edərək, sülh yolunda fəaliyyət göstərsələr daha yaxşı iş görmüş olarlar”.

Xatırladaq ki, dekabrın 13-də keçirilən sammitin yekun bəyannaməsində Şərqi Qüds Fələstinin işğal altında olan paytaxtı kimi tanınıb. 

Son xəbərlər

Orphus sistemi