İsrail hərbçiləri 5 fələstinlini yaralayıb

Bakı. 22 iyun. REPORT.AZ/ İsrail hərbçiləri İordan çayının qərb sahilində 5 fələstinlini yaralayıb.

"Report" "Anadolu" agentliyinə istinadən xəbər verir ki, bu barədə Fələstinin rəsmi agentliyi WAFA məlumat yayıb.

Bildirilir ki, hadisə Vifleem şəhəri yaxınlığındakı Beti Fedjar yaşayış məntəqəsində baş verib. Hərbçilər fələstinlilərə qarşı partlayan güllələrdən istifadə edib.

İsrail tərəfi baş verənləri şərh etməyib.