İspaniyanın Palma adalarında yanğınla əlaqədar 500 nəfər təxliyə olunub

Bakı. 7 avqust. REPORT.AZ/ İspaniyanın dövlət orqanları Palma adalarında baş vermiş yanğınla əlaqədar 500 nəfəri ərazidən təxliyə ediblər.

"Report"un xəbərinə görə, bu barədə "Associated Press" məlumat yayıb.

Məlumata görə, Vilya-de-Maso yaşayış məntəqəsinin sakinləri təhlükəli ərazidən köçürülüb.

Dörd min hektardan artıq ərazini əhatə edən yanğının söndürülməsinə 350 yanğınsöndürən və 4 xüsusi təchiz edilmiş təyyarə cəlb edilib.