Yuxarı
    Bağlamaq

    İspaniyanın baş naziri Kataloniya hökumətinin buraxıla biləcəyini bildirib

    Mariano Rahoy sərt addımların atılacağını istisna etməyib

    Bakı. 8 oktyabr. REPORT.AZ / İspaniyanın baş naziri Mariano Rahoy lazım olduğu təqdirdə Kataloniya muxtariyyətinin hökumətini buraxmaq hüququndan yararlanacağını bildirib.

    "Report" xəbər verir ki, "El Pais" qəzetinə müsahibə zamanı junralist ona - region hökumətlərini buraxmaq hüququ verən İspaniya Konstitusiyasının 155-ci maddəsindən yararlanmağa hazır olub-olmadığını soruşub.

    Cavabında baş nazir qanunvericilik çərçivəsində heç bir şeyin istisna olmadığını bildirib.

    "Ən yaxşı halda sərt addımlardan yayınmaq istərdik. Lakin, bunun üçün vəziyyətin dəyişməsinə ehtiyac var”, - deyə o bildirib. İspaniyanın hökumət başçısının sözlərinə görə, müstəqillik xülyası ilə yaşayan Kataloniya hökuməti referendumun nəticələrini ləğv etməlidir. O bildirib ki, hazırki vəziyyət davam etsə, hamı üçün pis nəticələrə gətirib çıxaracaq.

    O əmin edib ki, vəziyyət sakitləşməyincə İspaniya polisi və qvardiyanın bir hissəsi Kataloniya ərazisində qalacaq.

    Oktyabrın 1-də İspaniyanın Kataloniya muxtar vilayətində regionun müstəqilliyi haqqında referendum keçirilib. Polislə iğtişaşlar nəticəsində 700-dən çox insan xəsarət alıb. Kataloniya hökumətinin elan etdiyi nəticələrə görə referendumda iştirak edənlərin 90%-i Kataloniyanın müstəqilliyinə səs verib. İspaniya hökuməti referendumun nəticələrini tanımayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi