İspaniyanı meşə yanğınları cənginə alıb

Bakı. 4 mart. REPORT.AZ/ İspaniyanın şimalındakı meşələrdə 100-dən çox yanğın qeydə alınıb.

"Report" TASS-a istinadən xəbər verir ki, bu barədə yerli KİV məlumat yayıb.

Qeyd olunur ki, 95-dən çox yanğının qeydə alındığı Asturiya muxtar icması daha çox zərər görüb.

Hazırda yüzlərlə insan və hava texnikası yanğını söndürməyə çalışır. Ancaq güclü külək və yağışsız hava şəraiti onların işini çətinləşdirir.

Yanğınlar nəticəsində xəsarət alanlar barədə məlumat yoxdur.