İspaniyada “F-18” qəzaya uğrayıb, pilot ölüb

Bakı. 17 oktyabr. REPORT.AZ/ İspaniya Hərbi Hava Qüvvələrinə məxsus “F-18” qırıcı təyyarəsinin qəzaya uğraması nəticəsində 34 yaşlı pilot ölüb. 

“Report” xarici KİV-ə istinadən xəbər verir ki, bu barədə İspaniya Müdafiə Nazirliyi məlumat yayıb.

Qırıcı ölkə paytaxtı Madrid yaxınlığında, Torrejon de Ardoz hava bazasının ətrafına düşüb. 

Faktla bağlı araşdırma aparılır.