Yuxarı

​İŞİD terrorçuları Rusiyanın aviazərbələrindən məscidlərdə gizlənirlər

Bizdə terrorçuların öz texnikalarını məscid ətrafında gizlətmələrinə dair videogörüntülər var

Bakı. 7 oktyabr. REPORT.AZ/ "İraq-Şam İslam Dövləti" terror qruplaşmasının (İŞİD) silahlıları Rusiyanın aviazərbələrindən məscidlərdə gizlənirlər.

"Report" TASS-a istinadən xəbər verir ki, bu barədə Rusiya müdafiə nazirinin müavini Anatoli Antonov məlumat verib.

"Bu gün bizdə terrorçuların məscidlərdə gizlənməsinə dair məlumat var. Bizdə terrorçuların öz texnikalarını məscid ətrafında gizlətmələrinə dair məlumatlar və videogörüntülər var", — deyə Antonov bildirib.

O qeyd edib ki, Rusiya qeyri-hərbi obyektlərə heç vaxt zərbə endirməyəcək.

"Onlar bizim məscidlərə diqqətlə, hörmətlə yanaşdığımızı bilərək yaxşı başa düşürlər ki, biz heç vaxt heç bir halda qeyri-hərbi obyektlərə zərbə endirməyəcəyik", — deyə nazir müavini qeyd edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi