Yuxarı
    Bağlamaq

    İŞİD terror qruplaşması rəhbərlərinin gizləndiyi yer məlum olub

    Terrorçuların rəhbərləri əsasən Əl-Məyadin şəhərində toplaşıblar

    Bakı. 16 iyun. REPORT.AZ/ İŞİD terror qruplaşmasının rəhbərlərinin çoxu Suriyanın Rakka, habelə  İraqın Mosul şəhərindən Əl-Məyadin şəhərinə qaçıb.

    "Report" "RİA Novosti"yə istinadən xəbər verir ki, bu barədə "Associated Press" ABŞ və Suriyadakı mənbələrə istinadən məlumat yayıb.

    Agentliyin məlumatına görə, terrorçuların rəhbərləri əsasən İraqla sərhəddə yerləşən Deyr-ez-Zor vilayətinin Əl-Məyadin şəhərində toplaşıblar.

    İraqın Mosul şəhərinin azad edilməsi əməliyyatı 2016-cı ilin oktyabrından ABŞ-ın rəhbərlik etdiyi beynəlxalq koalisiyanın dəstəyi ilə davam edir. İraq hərbçiləri əvvəlcə şəhərin şərq hissəsini azad ediblər, fevraldan isə qərb hissəsində əməliyyata başlayıblar.

    Rakka 2013-cü ildən İŞİD-in nəzarəti altındadır. Şəhər terrorçuların qeyri-rəsmi paytaxtı hesab edilir.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi