Yuxarı

​İŞİD terroçuları Suriyadakı qaz yataqlarını ələ keçirib

Terrorçular Eş-Şaerdəki yataqları növbəti dəfə işğal ediblər

Bakı. 5 May. REPORT.AZ/ İŞİD terrorçuları yenidən Suriyanın Hüms şəhərinin şərqində yerləşən nəhəng qaz yataqlarını ələ keçiriblər. "Report" xəbər verir ki, bu haqda "Əl-Mayadin" telekanalı məlumat yayıb.

Xəbərdə bildirilir ki, terrorçular Eş-Şaerdəki yataqları növbəti dəfə işğal ediblər. İŞİD terror qruplaşması Palmiranın azad olunmasından sonra səhrada hücum əməliyyatlarını genişləndirmiş Suriya qoşunlarına arxa cinahdan gözlənilməz zərbə endirərək yataqları ələ keçirib.

"Əl-Mayadin"in məlumatına görə, hazırda hökumət qoşunları terrorçuları tutduqları mövqelərdən sıxışdırmağa çalışır. Suriya Hərbi Hava Qüvvələrləri hücum əməliyyatında orduya havadan dəstək verir.

"Assoşieyted Press"in məlumatına görə isə, İŞİD-in hücum əməliyyatında Suriya ordusunun hərbçiləri də əsir götürülüb.

Qeyd edək ki, Əş-Şaer Suriyanın nəhəng qaz yatağı sayılılr. Suriya ordusu onu İŞİD-dən 2014-cü ildən mühafizə edir.

Bu yataq Suriya iqtisadiyyatı üçün strateji əhəmiyyətə malikdir və ölkənin bir sıra şəhərlərini enerji ilə təchiz edir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi