İŞİD Somalidə qəsəbəni ələ keçirib

Bakı. 27 oktyabr. REPORT.AZ/ Terrorçu İŞİD qruplaşması Somalinin strateji Kandala liman qəsəbəsini ələ keçirib.

"Report" xarici KİV-ə istinadən xəbər verir ki, Kandala ölkənin Puntland bölgəsində yerləşir.

Məlumata görə, dünyadakı ticarət məhsullarının 20 faizi bu limandan keçir. Qəsəbənin 20 min əhalisi var.

Xəbərdə bildirilib ki, İŞİD ilk dəfədir Somalidə qəsəbəni ələ keçirir.