İŞİD qonşu kəndlərin əhalisini Mosula qovmağa başlayıb

Bakı. 30 oktyabr. REPORT.AZ/ Əksəriyyəti qadın, uşaq və qocalar olan minlərlə dinc sakin İŞİD terrorçularının yaxın şəhərlərdən geri çəkilməsindən sonra Mosulun mərkəzinə gətirilib.

"Report" CNN telekanalına istinadən xəbər verir ki, Cənub kəndlərin mülki vətəndaşları şəhərə zorla gəlmək məcburiyyətində qalıblar.

Şahidlərin sözlərinə görə, terrorçular onları qidasız və evsiz qoyublar. BMT əməkdaşları İŞİD-in mülki əhalini Mosulu geri qaytarmağa çalışan İraq ordusu və kürd könüllülərinə qarşı canlı sipər kimi istifadə edə biləcəyindən ehtiyatlanırlar.

BMT-nin insan haqları üzrə ali komissarı Zeyd Raad əl-Hüseyn bildirib ki, onun idarəsində İŞİD-in ayrı-ayrı kəndlərdəki dinc sakinləri öz evlərini tərk edərək Mosula getməyə məcbur etməsinə dair bəzi sübutlar var.