İŞİD Marseldəki hücuma görə məsuliyyəti üzərinə götürüb

Bakı. 2 oktyabr. REPORT.AZ/ İŞİD terror təşkilatı Fransanın Marsel şəhərində baş verən silahlı hücuma görə məsuliyyəti öz üzərinə götürüb.

"Report" xəbər verir ki, bu barədə AFP nəşri məlumat yayıb.

Oktyabrın 1-də Marsel vağzalında naməlum şəxs bıçaqla insanlara hücum edib. Nəticədə iki nəfər həyatını itirib.

Hücum edən şəxs polis tərəfindən zərərsizləşdirilib.