Yuxarı

​Koalisiya qüvvələri İŞİD-in mövqelərinə 30 zərbə endirib

Hücumlar zamanı İŞİD-in nəzarəti altında olan Ənbar əyalətində terrorçuların raket sistemi məhv edilib

Bakı. 27 dekabr. REPORT.AZ/ Birləşmiş Ştatların rəhbərlik etdiyi terror əleyhinə koalisiya ötən cümə İraq və Suriyada "İraq-Şam İslam Dövləti" (İŞİD) terror qruplaşmasının mövqelərinə 30-dan çox havadan zərbə endirib.

"Report" xəbər verir ki, endirilən zərbələrin təqribən yarısı Suriya-Türkiyə sərhədi yaxınlığında son aylar davam edən silahlı münaqişənin strateji mühüm obyekti olaraq qalan Kobani şəhərindəki İŞİD obyektlərinin payına düşüb.

Pentaqonun məlumatına görə, dekabrın 26-da, həmçinin İraqdakı obyektlərə ona yaxın zərbə endirilib. Hava hücumu zamanı böyük hissəsi İŞİD-in nəzarəti altında olan Ənbar əyalətində terrorçuların raket sistemi məhv edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi