​İŞİD İraqda 40-dan artıq yük maşını sürücüsünü oğurlayıb

Bakı. 17 noyabr. REPORT.AZ/ "İraq-Şam İslam Dövləti" (İŞİD) terror qruplaşmasının döyüşçüləri Bəyci-Əl-Hədis istiqamətində hərəkət edən 40-dan artıq yük maşını sürücüsünü oğurlayıblar.

"Report"un məlumatına görə, bu barədə ölkənin kütləvi informasiya vasitələri məlumat yayıb.

Məlumata görə, oğurlanan vətəndaşlardan ikisinin artıq edam olunub. Onların hamısının mülki şəxslər olduğu bildirilir.

Yük maşınları əsasən ərzaq məhsulları daşıyırmış. Hazırda İraq güc strukturları hərbi vertolyotların köməkliyi ilə onların izinə düşməyə çalışır.