Yuxarı
    Bağlamaq

    İŞİD Homs əyalətinin şərqindəki sonuncu hərbi aerodroma yaxınlaşıb

    Bu aviabaza əyalətin şərqində fəaliyyət göstərən sonuncu hərbi aerodromdur

    Bakı. 12 dekabr. REPORT.AZ/ İŞİD terror təşkilatının döyüşçüləri Suriya qoşunlarının Homs əyalətindəki "T-4" aviabazasına yaxınlaşıb.

    "Report" xəbər verir ki, bu barədə "Əl-Masdar News" nəşri yazıb.

    Bu aviabaza Homs əyalətinin şərqində fəaliyyət göstərən sonuncu hərbi aerodromdur.

    Nəşrin məlumatına görə, terrorçular səhər saatlarında aviabaza yaxınlığından keçən Palmira-Homs yolu üzərindəki Cihar qovşağı ərazisində hücuma keçiblər. Suriya ordusunun tank diviziyası güclü hücuma tab gətirə bilməyib və həmin ərazidəki mövqelərindən geri çəkilib.

    İndi, "Əl-Masdar News"un məlumatına görə, Suriya ordusu diqqəti hucum riski altında olan Qaryateyn şəhərinə yönəltməlidir.

    Ötən gün qədim Palmira şəhəri ikinci dəfə İŞİD silahlıları tərəfindən işğal olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi