Yuxarı
    Bağlamaq

    ​İŞİD Suriyada qadınları hərraca çıxarır

    Zeynəb Banqura: Söhbət etdiyim qızlardan biri 22 dəfə alınıb-satıldığını dedi

    Bakı. 21 may. REPORT.AZ/ İŞİD silahlı qruplaşması ələ keçirdiyi Suriya ərazilərində insan alverini gücləndirib.

    "Report" TASS-a istinadən xəbər verir ki, bu barədə BMT baş katibinin cinsi zorakılıq üzrə özəl təmsilçisi Zeynəb Banquranın hazırladığı hesabatda bildirilib.

    "Son zamanlar İŞİD-in vəhşiliyi yeni mərhələyə keçib. Onlar qadın alveri ilə məşğul olurlar. İŞİD-in ideologiyasına uyğun olaraq, qadınlar və qızlarla heyvan kimi davranırlar", - hesabatda vurğulanıb.

    Z.Banqura buna nümunə olaraq, terrorçuların ələ keçirdikləri Rakka şəhərində cinsi qul bazarı açdıqlarını göstərib: "Onlar həmin bazara ən gözəl yeniyetmə qızları aparırlar. Həmin qızları bazarda hərraca çıxarırlar".

    Hesabatda bildirilib ki, hərraca çıxarılanlar arasında türkmən, kürd, ərəb, habelə xristian qızlar və qadınlar da var: "Söhbət etdiyim qızlardan biri 22 dəfə alınıb-satıldığını dedi. Başqa bir qız bildirdi ki, qaçmaq istəyəndə onu "sahibi" olan şeyx tutub. Şeyx ona məxsus olduğunu təsbit etmək üçün həmin qızın əlinin üstünə öz adını yazıdırb".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi