Bakı. 26 iyun. REPORT.AZ/ Türkiyə Silahlı Qüvvələri İraqın şimalında növbəti antiterror əməliyyatı keçirib.
"Report" Türkiyə mətbuatına istinadən xəbər verir ki, bu barədə ölkənin Silahlı Qüvvələri məlumat yayıb.
Məlumatda qeyd edilir ki, hava əməliyyatı İraqın şimalındakı Avaşin Basyan və Zap bölgələrində təşkil olunub. Əməliyyat nəticəsində PKK terror təşkilatının 8 üzvü məhv edilib.