Yuxarı

​İraqın Ərbil şəhərində otel yanıb, 17 nəfər ölüb

Yanğının səbəbləri hələ ki məlum deyil

Bakı. 6 fevral. REPORT.AZ/ İraqın Ərbil şəhərindəki mehmanxanalardan birində baş verən yanğın nəticəsində 17 nəfər ölüb, 10 nəfər xəsarət alıb.

"Report" "Sinxua"ya istinadən xəbər verir ki, bu barədə regionun qubernatoru məlumat verib. Onun sözlərinə görə, ölənlərin əksəriyyəti əcnəbilərdir.

"Today" nəşrinin məlumatına görə, 14 Filippin vətəndaşı, iki iraqlı və bir fələstinli yanğının qurbanı olub.

Faktla bağlı araşdırma aparılır, yanğının səbəbləri hələ ki, müəyyən edilməyib.

Ərbil şəhəri İraqın Kürdistan Muxtariyyətinin paytaxtıdır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi