Bakı. 20 avqust. REPORT.AZ/ İraqda iki gəmi toqquşub.
"Report" xəbər verir ki, bu barədə "Reuters" məlumat yayıb.
Xəbərdə bildirilir ki, hadisə şənbə günü, ölkənin ərazi sularında, Hor-Abdulla boğazında baş verib.
Dövlət limanına məxsus "Аl-Misbar" gəmisinin "Royal Arsenal" gəmisi ilə toqquşaraq batması nəticəsində bir neçə nəfər itkin düşüb.
Hadisə zamanı "Аl-Misbar" gəmisinin göyərtəsində 21 dənizçi olub. Onlardan 10-u xilas edilib, 4-ü ölüb, digərləri isə itkin düşmüş sayılır.