İraqda baş vermiş terror aktında ölənlərin sayı 10-a çatıb

Bakı. 3 oktyabr. REPORT.AZ/ İraqın paytaxtı Bağdad şəhərinə baş vermiş terror aktı zamanı ölənlərin sayı 10-a çatıb.

"Report" xəbər verir ki, bu barədə "Sinxua" agentliyi məlumat yayıb.

Məlumata görə, hadisə zamanı daha 35 nəfər xəsarət alıb. Hələlik terror aktına görə məsuliyyəti heç bir qruplaşma öz üzərinə götürməyib.

Qeyd edək ki, ilkin məlumatda hadisə zamanı 7 nəfərin öldüyü, 20 nəfərin yaralandığı bildirilirdi.