Yuxarı

İraqda İŞİD-in 56 terrorçusu öldürülüb

İŞİD-in ağır silah daşıyan 3 texnikası da məhv edilib

Bakı. 5 avqust. REPORT.AZ/ İraqın müxtəlif ərazilərində həyata keçirilən əməliyyatlarda İŞİD terror təşkilatının tərəfdarı olan 56 nəfər öldürülüb. "Report" xarici mətbuata istinadən xəbər verir ki, bu barədə Ramadi şəhərinin rəsmisi Əli Davud bildirib.

O cümlədən, Ənbar Universitetinin ətrafında polislərlə İŞİD tərəfdarları arasında gedən döyüşlərdə 7 terrorçu öldürülüb.

Bundan başqa, ağır silah daşıyan 3 texnika məhv edilib. 

Bağdada yaxın ərazilərdə hava hücumları nəticəsində İŞİD-ə məxsus 4 avtomobil isə istifadəyə yararsız hala gətirilib.

Xatırladaq ki, İŞİD terror təşkilatı keçən ilin iyunun 10-dan Mosul və digər bəzi bölgələri ələ keçirdikdən sonra qarşıdurmalar bu günə kimi davam edir. İraq ordusu İŞİD-in ələ keçirdiyi əraziləri geri almaq üçün əməliyyatlar həyata keçirir. ABŞ rəhbərliyindəki koalisiya qüvvələri də İraq ordusuna havadan dəstək verir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi