Yuxarı

İraqda baş vermiş terror aktı ilə əlaqədar 3 günlük matəm elan olunub

Hadisə nəticəsində 165 nəfər ölüb, 168 nəfər yaralanıb

Bakı. 3 iyul. REPORT.AZ/ İraqın baş naziri Heydər əl-Abadi Bağdadın mərkəzində baş vermiş terror aktı ilə əlaqədar ölkədə üçgünlük matəm elan edib. "Report" xəbər verir ki, bu barədə "Əl Sumaria" telekanalı məlumat yayıb.

Qeyd edək ki, İraqın paytaxtı ötən gecə Bağdadın mərkəzində yerləşən Əl-Karrada rayonunda törədilən terror aktı nəticəsində 165 nəfər ölüb, 168 nəfər yaralanıb. Minalanmış avtomobil restoranın qarşısında partladılıb.

Hücuma görə məsuliyyəti İŞİD terror qruplaşması öz üzərinə götürüb.

Əvvəlcə minalanmış avtomobil partladılıb, ardınca Bağdadın şərq hissəsində əldəqayırma partlayıcı qurğu işə düşüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi