İraq prezidenti hadisələrdən sonra ilk dəfə Kərkükə səfər edib

Bakı. 27 noyabr. REPORT.AZ/ İraq prezidenti Fuad Masum bölgədə baş verən hadisələrdən sonra ilk dəfə Kərkük əyalətinə səfər edib.

“Report” İran KİV-inə istinadən xəbər verir ki, o, bu ziyarət çərçivəsində İraqın şimalındakı kürd muxtariyyəti ilə Kərkük arasında yaşanan problemləri müzakirə etmək niyyətindədir.

F.Masum bundan əvvəl İraqın şimalına səfər edərək Bağdad mərkəzi hakimiyyəti ilə muxtariyyət arasındakı problemlərin müzakirələr yolu ilə həllinin tərəfdarı olduğunu bildirmişdi.

Qeyd edək ki, F.Masum milliyyətcə kürd etnik qrupunun nümayəndəsidir.