İraqda iki partlayış nəticəsində 8 nəfər həlak olub

Bakı. 11 yanvar. REPORT.AZ/ Ötən gün İraqın paytaxtı Bağdadda və onun yaxınlığında iki güclü partlayış baş verib.

“Report” xəbər verir ki, partlayışlar nəticəsində 8 nəfər ölüb, daha 20 nəfər yaralanıb.

İlk partlayış Bağdadın qərbində baş verib. Nəticədə 5 nəfər ölüb, 11 nəfər yaralanıb. Daha 3 nəfər isə Mədian şəhərində törədilən partlayış nəticəsində dünyasını itirib. Burada 9 nəfər yaralanıb.