Yuxarı
    Bağlamaq

    ​İraq Müdafiə Nazirliyi: İŞİD-in "ikinci adamı" məhv edilib

    Əbu Əla əl-Afri özünü xilafət elan etmiş İslam Dövlətinin Ərəbistan yarımadası vilayəti üzrə ali hakimi sayılırdı

    Bakı. 13 may. REPORT.AZ/ İŞİD terrorçu qruplaşmasında "ikinci adam" sayılan Əbu Əla əl-Afri məhv edilib. "Report"un Türkiyə KİV-inə istinadən verdiyi xəbərə görə, bu barədə İraq Müdafiə Nazirliyi məlumat yayıb.

    Xəbərdə əsl adının Əbdül Rəhman Mustafa Məhəmməd olan terrorçunun koalisiya qüvvələrinin hava hücumu zamanı Telaferdə məscidin içərisində hədəfə alınaraq öldürüldüyü bildirilir. Məlumatda həmçinin onunla birlikdə onlarla terrorçunun da zərərsizləşdirildiyi qeyd olunub. 

    Qeyd edək ki, türkmən əsilli Əbu Əla əl-Afri özünü xilafət elan etmiş "İslam Dövləti"nin Ərəbistan yarımadası vilayəti üzrə ali hakimi sayılırdı. Hətta onun İŞİD lideri Əbubəkir əl Bağdadinin yaralanmasından sonra terror təşkilatına müvəqqəti olaraq rəhbərlik etdiyi də bildirilir. 

    İŞİD hələlik Əbu Əla əl-Afrinin öldürüldüğü iddialarını təsdiqləməyib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi