Bakı. 7 sentyabr. REPORT.AZ/ İraq Hərbi Hava Qüvvələri Amerika istehsalı olan "F-16" qırıcılarından istifadə etməklə ilk dəfə olaraq "İraq-Şam İslam Dövləti" (İŞİD) terror qruplaşmasının mövqelərinə havadan zərbələr endirib.
"Report" "Reuters"ə istinadən xəbər verir ki, bu barədə Pentaqon rəsmisi Piter Kuk məlumat verib.
"Biz İraqın Hərbi Hava Qüvvələrinin İŞİD-in məhv edilməsi üzrə beynəlxalq kampaniya çərçivəsində daha qabaqcıl texnologiyalara malik təyyarələrdən uğurla istifadə etməsindən razıyıq", — deyə o qeyd edib.
Onun sözlərinə görə, İraqa hərbi təyyarə tədarükü davam edəcək.