Yuxarı
    Bağlamaq

    İraq Böyük Britaniyanı məhkəməyə verəcək

    Ölkə parlamenti hökumətdən iddia qaldırmağı tələb edəcək

    Bakı. 6 iyul. REPORT.AZ/ İraq parlamenti hökumətdən Böyük Britaniyaya qarşı 2003-cü ildəki hərbi müdaxiləyə görə iddia qaldırmağı tələb edəcək.

    "Report" "RİA Novosti"yə istinadən xəbər verir ki, bu barədə İraq parlamentinin deputatı Aliyə Nasıf bildirib.

    Qeyd edək ki, bir müddət əvvəl Böyük Britaniyada xüsusi komissiya ABŞ və Britaniyanın İraqa hərbi müdaxiləsi ilə bağlı araşdırmasının nəticələrini açıqlayıb. Komissiya həmin dövrdə baş nazir olan Toni Blerin rəhbərliyi altındakı Britaniya hökumətinin İraqda hərbi əməliyyatlara başlamaqla səhvə yol verdiyi qənaətinə gəlib. 

    Xatırladaq ki, T.Bler Britaniyanın İraqda hərbi əməliyyatlarda iştirakı ilə bağlı səhvlərə görə tam məsuliyyət daşıdığını bəyan edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi