Yuxarı
    Bağlamaq

    Susan Rays: "​İranla "altılıq" ölkələri arasında imzalanan nüvə müqaviləsinə əlavələr var"

    Müqaviləyə dair bütün sənədlər ABŞ Konqresinə təqdim olunub

    Bakı. 23 iyul. REPORT.AZ/ "İranla "altılıq" ölkələri arasında imzalanan nüvə müqaviləsinə əlavələr var. Lakin bu əlavələr ictimaiyyətə açıqlanmayacaq". "Report" xarici mətbuata istinadən xəbər verir ki, bunu Ağ Evin Milli Təhlükəsizlik məsələləri üzrə müşaviri Susan Rays deyib.

    O bildirib ki, müqaviləyə dair bütün sənədlər ABŞ Konqresinə təqdim olunub: "Müqaviləni nəzərdən keçirmək üçün Konqresin hələ iki ay vaxtı var. Hazırlanan bütün sənədləri və Beynəlxalq Atom Enerjisi Agentliyinin bizimlə bölüşdüyü bütün proqramları Konqresə təqdim etmişik".

    S.Rays ictimaiyyətdən gizli saxlanılan məqamların konqresmenlərə məlum olduğunu da əlavə edib: "Bu mövzuda bizim bilib, onların bilmədiyi heç bir şey yoxdur. Eyni zamanda, müqavilənin sentyabrın əvvəllərində konqresdə səsverməyə çıxarılması gözlənilir".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi