Bakı. 6 avqust. REPORT.AZ/ İran hərbçiləri ölkənin şimal-qərbində iki terrorçunu zərərsizləşdirib.
"Report" xəbər verir ki, bu barədə "Tasnim" agentliyi İran İslam İnqilabı Keşikçiləri Korpusunun Quru Qoşunları komandanına istinadən məlumat yayıb.
Məlumatda bildirilir ki, hərbçilər terror qruplaşmasının daha 4 üzvünü yaralayıblar. Toqquşma Qərbi Azərbaycan vilayətində, Türkiyə ilə İran sərhədində baş verib.
Briqada generalı Məhəmməd Pakpurun sözlərinə görə, silahlılardan hərbi sənədlər, sursat və texnika götürülüb.