İndoneziyanın Sulavesi adasında vulkan püskürüb

Bakı. 16 dekabr. REPORT.AZ/ İndoneziyanın Sulavesi adasında yerləşən Soputan vulkanında püskürmə baş verib.

“Report” RİA "Novosti"yə istinadən xəbər verir ki, bu barədə "Antara" agentliyi məlumat yayıb.

Təbiət hadisəsi bazar günü adanın şimalında qeydə alınıb. Vulkan dəniz vəviyyəsindən təqribən 4,8 km-ə qədər kül atıb.

Dağıntı və tələfat barədə məlumat yoxdur.

Daha əvvəl oktyabr ayında Sulavesi adasında vulkan püskürməsi hadisəsi baş vermişdi.