​İndoneziyanın sahillərində 8,2 bal gücündə zəlzələ olub

Bakı. 2 mart. REPORT.AZ/ İndoneziyanın Sumatra adası sahillərindən cənub-qərbdə, 800-1000 km aralı 8,2 bal gücündə zəlzələ olub.

"Report" TASS-a istinadən xəbər verir ki, bu haqda ABŞ-ın Geoloji Xidməti məlumat yayıb.

Məlumata görə, yeraltı təkanların ocağı 10 km dərinlikdə olub.

Yeraltı təkanlar Malayziya, Sinqapur və İndoneziyada hiss edilib.