Yuxarı
    Bağlamaq

    İndoneziyanın prezidenti Yaponiyaya səfər edib

    Dənizdə təhlükəsizlik sahəsində əməkdaşlıq məsələləri müzakirə edilir

    Bakı. 23 mart. REPORT.AZ/ İndoneziyanın prezidenti Coko Vidodo Yaponiyaya dörd günlük səfərə gəlib.

    "Report" AZƏRTAC-a istinadən xəbər verir ki, səfər çərçivəsində C.Vidodo Yaponiya rəsmiləri ilə keçirəcəyi görüşlərdə iki ölkə arasında işgüzar əlaqələr və dənizdə təhlükəsizlik sahəsində əməkdaşlıq məsələlərini müzakirə edəcək.

    İndoneziya prezidenti Tokioya martın 22-də axşam çatıb. Bu, onun ötən ilin oktyabrında dövlət başçısı seçildikdən sonra Yaponiyaya ilk rəsmi səfəridir. C.Vidodonun Baş nazir Şinzo Abe ilə görüşü martın 23-ə planlaşdırılıb. Görüş zamanı infrastruktur layihələrinə - elektrik stansiyalarına və liman obyektlərinə investisiyaların yönəldilməsi yolu ilə iqtisadi əlaqələrin inkişaf etdirilməsi məsələlərinə xüsusi diqqət yetiriləcəyi bildirilir.

    İki ölkə liderlərinin görüşündə sahil mühafizəsi xidmətləri arasında əməkdaşlığın gələcək perspektivlərinin müzakirə olunacağı da gözlənilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi