Yuxarı

​İndoneziyada Asiya və Afrika dövlətlərinin sammiti keçirilir

Tədbir Bandonq konfransının 60 illiyinə həsr olunub

Bakı. 22 aprel. REPORT.AZ/ Bu gün İndoneziyada Asiya və Afrika dövlətlərinin sammiti başlayıb.

"Report" xəbər verir ki, bu haqda İndoneziya KİV-i məlumat yayıb.

Xəbərə görə, tədbirdə Azərbaycan Respubilkası da rəsmi şəkildə təmsil olunur.

İndoneziya prezidenti Coko Vidodo konfransı açaraq, toplantı iştirakçılarını salamlayıb.

Yığıncaq Asiya və Afrika arasında inteqrasiyanın genişləndirilməsinə həsr olunan Bandonq konfransının 60 illiyi münasibətilə keçirilir.

Aprelin 22-də axşam saatlarında Cakarta sarayında İslam Əməkdaşlıq Təşkilatı ölkələri başçıları və rəsmilərinin iclası keçiriləcək. Yığıncaqda Yaxın və Orta Şərqdə baş verən hadisələr, o cümlədən Fələstin dövlətinin yaranması,Yəmən böhranından çıxış yolu və beynəlxalq məsələlərin müzakirə ediləcəyi gözlənilir.

Sammitdə 80-dən artıq Asiya və Afrika ölkəsinin başçısı, yüksək səviyyəli rəsmilər iştirak edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi