Bakı. 3 sentyabr. REPORT.AZ/ İndoneziyanın cənub-şərqindəki Sumatra adasının Lampunq vilayətində 5,2 bal gücündə zəlzələ olub.
"Report" xəbər verir ki, bu barədə "Anadolu" agentliyi məlumat yayıb.
Məlumatda bildirilir ki, zəlzələnin episentri Zond körfəzində yerləşib. Yeraltı təkanlar qonşu ərazilərdə də hiss edilib.
Dağıntı və ya tələfat yoxdur.
Bu, son iki gündə İndoneziyada baş vermiş dördüncü zəlzələdir.