İndoneziyada 110-dan çox məhbus həbsxanadan qaçıb

Bakı. 30 noyabr. REPORT.AZ/ İndoneziyanın Sumatra adasındakı Açex vilayətində azı 113 məhkum həbsxanadan qaçıb.

Bu barədə "Report" RİA "Novosti"yə istinadən məlumat verir.

Ölkənin Ədliyyə və İnsan Hüquqları Nazirliyinin nümayəndəsi bildirib ki, dünən baş verən hadisə zamanı məhbuslar pəncərələrdəki barmaqlıqları qırmağa müvəffəq olublar.

Hüquq-mühafizə orqanları artıq 4 məhbusu saxlayıb. Qalanların axtarışı davam etdirilir.

Məhbusların həbsxanada baş verən iğtişaşdan sonra qaçdığı bildirilir.