Yuxarı
    Bağlamaq

    İlin əvvəlindən Aralıq dənizində 1720 miqrant həlak olub

    Son bir neçə gündə İtaliyanın şəhərlərinə Aralıq dənizindəki boğulmuş 50 meyit gətirilib

    Bakı. 31 may. REPORT.AZ/ Son bir neçə gündə İtaliyanın Kroton, Palermo və Kataniya şəhərlərinə Aralıq dənizindəki bir neçə faciəli hadisə nəticəsində boğulmuş 50 meyit gətirilib.

    "Report"un məlumatına görə, bu barədə BMT Ali Komissarının Qaçqınlar üzrə İdarəsi xəbər verib. 

    İdarə xatırladıb ki, Aralıq dənizinin mərkəzi ilə Şimali Afrikadan İtaliyaya aparan marşrut miqrantlar və qaçqınlar üçün çox təhlükəlidir. İlin əvvəlindən bu günə kimi bu yolda 1720 miqrant həlak olub.

    Artıq bu il 60 mindən çox qaçqın və miqrant Aralıq dənizi vasitəsilə Avropa sahillərinə doğru gəlib. Təkcə ötən həftə İtaliya sahillərində 9500 nəfər xilas edilib. Həmin sahillərə xilasedicilər 50 meyit gətiriblər. Onlarla sığınacaq axtaran itkin düşüb, onların taleyi barədə heç nə məlum deyil.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi